Jambyl oblysynda ıslam dinı birlestiginiń ǵımaraty órtendi

TARAZ. QazAqparat – Jambyl oblysynyń T.Rysqulov aýdanyndaǵy ıslam dinı birlestiginiń ǵımaraty órtendi, dep habarlaıdy QazAqparat oblystyq TJD-ǵa silteme jasap.

«20 tamyz kúni saǵat 17: 38-de TJD kezekshi qyzmetine T.Rysqulov aýdanynyń Jarlysý aýylyndaǵy órt týraly aqparat kelip tústi. Qazaqstan musylmandary dinı basqarmasy respýblıkalyq ıslam dinı birlestigi fılıalynyń 1 qabatty ǵımaratyndaǵy órt jóndeý júrgizip jatqan kezde shyqqqan».

TJD málimetinshe, órt aýmaǵy 90 sharshy metrdi sharpyǵan. Ǵımarattyń qabyrǵalary rama, shatyry membrana jabynnan jasalǵany belgili boldy. Órt saǵat 18.53-te aýyzdyqtalyp, 19.20-da sóndirildi.

Oqys oqıǵadan eshkim zardap shekpedi.

Órt sóndirshilerdiń boljamynsha, otty abaısyz qoldanýdan nysan órtenip ketken.