Jambyl oblysynda ІІD men Ulttyq ulan Aqtóbede zardap shekkenderge bir kúndik jalaqylaryn aýdardy (FOTO)
TARAZ. QazAqparat - Jambyl oblysy ІІD jáne Qazaqstan Ulttyq gvardııasynyń qyzmetkerleri Aqtóbe qalasynda qaza bolǵandardyń týystary men zardap shekkenderdi qoldaý maqsatynda ózderiniń bir kúndik jalaqysyn aýdardy, dep habarlaıdy oblystyq ІІD baspasóz qyzmeti.
2016 jyldyń 9 maýsymy Aqtóbe qalasynda jasalynǵan terrorıstik aktiniń saldarynan adamdardyń qurban bolýyna baılanysty Qazaqstan Respýblıkasynda ulttyq aza tutý kúni bolyp jarııalandy.
Osy jaǵdaıǵa baılanysty Jambyl oblysy ІІD qyzmetkerleri de qaıǵyǵa ortaqtasýda.
Búgin, ıaǵnı 9 maýsymda Jambyl oblysy ІІD-de Qazaqstan Respýblıkasynyń Memlekettik Týy túsirilip, barlyq qyzmetkerler qurbandardy eske ala otyryp, keýde tustaryna qara lenta taqty. Osylaısha Jambyl oblysy ІІD - niń qyzmetkerleri Aqtóbe turǵyndarymen birge ekendikterin, sondaı-aq terrorızmge qarsy kúreste olarmen tize qosyp kúresetindikterin bildirdi.
