Jambyl oblysynda halyqaralyq izdeýde júrgen kólik anyqtaldy
TARAZ. QazAqparat – Jambyldyq polıtseıler halyqaralyq izdeýde júrgen kólikti ustady, dep habarlaıdy QazAqparat tilshisi.
29 sáýirde Jambyl oblysynda patrýldik polıtsııa «Batys Eýropa-Batys Qytaı» tas jolynyń 395 shaqyrymynda jyldamdyq rejımin asyrǵan Shymkent qalasynyń 36 jastaǵy turǵynynyń basqarýyndaǵy reseılik nómirli «Kia K5» markaly avtokólik toqtatyldy. Tekserý barysynda kóliktiń Reseı Federatsııasynda halyqaralyq izdeý jarııalanǵany anyqtaldy. Bul týraly atalǵan departamenttiń baspasóz qyzmeti habarlady.
«Atalǵan derekke qatysty Qylmystyq kodekstiń 200-baby 1-bóligi (Avtomobıldi nemese ózge de kólik quraldaryn urlaý maqsatynsyz zańsyz ıelený) boıynsha sotqa deıingi tergeý amaly bastaldy. Avtokólik aıypturaqqa qoıyldy», delingen vedomstvo habarlamasynda.
Qazirgi tańda «Quqyqtyq tártip» jedel-aldyn alý is-sharasy aıasynda tıisti «Avtoýragan» 2 apparattyq-baǵdarlamalyq kesheni jol-kólik jaǵdaıyn jaqsartý maqsatynda Turar Rysqulov jáne Shý aýdandaryna jiberilgen.
