Jambyl oblysynda «Halyq Qaharmany», polıtsııa kapıtany Ǵ.Baıtasov pen qyzmettik mindetterin atqarý kezinde qaza tapqan ІІB-niń qyzmetkerlerin eske alýǵa arnalǵan avtosaıysqa daıyndalýda
TARAZ. 5 mamyr. QazAqparat - Jambyl oblysynda «Halyq Qaharmany», polıtsııa kapıtany Ǵazız Baıtasov pen qyzmettik mindetterin atqarý kezinde qaza tapqan ІІB-niń qyzmetkerlerin eske alýǵa, sondaı-aq Qazaqstan Respýblıkasy Іshki ister organdarynyń qurylýynyń 20 jyldyq mereıtoıyna arnalǵan avtosaıysqa daıyndyq júrýde.
Bul týraly Jambyl oblysynyń ІІD-nen habarlady.
Sharany uıymdastyrýshylardyń (ІІD-niń ardagerler keńesi, Jambyl oblysynyń ákimdigi) aıtýynsha, Qazaqstan, Reseı, Belarýs, Qyrǵyzstan ókilderiniń qatysýymen ótetin halyqaralyq avtosaıys Qazaqstan astanasy - Astana qalasynda bastalady.
Jambyl oblysy qaraǵandylyqtardan estafetany 6 maýsymda qabyldaıdy. Avtosaıys qatysýshylary Moıynqum aýdanyndaǵy Shyǵanaq stansysyna keledi. Munda olardy saltanatty kezdesý jáne Shý qalasyna deıin birge erip júrý kútedi. Shý qalasynyń vokzal mańyndaǵy alańda mıtıng ótkizilip, odan keıin Shý aýdandyq ІІB-niń ardagerleri men jeke quramymen kezdesý bolyp ótedi.
Odan keıin avtotizbek Taraz qalasyna attanady. Tekturmas zıratynda jerlengen Ǵazız Baıtasovtyń qabirine gúl qoıyp, mıtıng ótkizý, otshashý atý ótkiziledi.
Baızaq aýdanynyń Túımekent aýylynda avtosaıys qatysýshylary Ǵ.Baıtasov oqyǵan mektepke barady.
Tarazda ol jumys istegen jol polıtsııasy basqarmasyna barý josparlanýda. Munda eskertkish taqtasynyń ashylý ótkiziledi. Іshki ister departamentiniń alańyndaǵy ІІB-niń Dańq eskertkishiniń qasynda ІІB-niń ardagerleri, qyzmettik mindetterin atqarý kezinde qaza tapqan qyzmetkerlerdiń otbasy músheleriniń qatysýymen mıtıng, ardagerler men polıtsııa qyzmetkerlerin marapattaý ótedi. Qonaqtar sondaı-aq polıtsııa qyzmetkerleri Ǵ.Baıtasov, P. Aıanqulov, J. Baıseıitovtyń otbasylaryna bardy.
Avtosaıys qatysýshylary úshin ІІD-niń murajaıy, jedel basqarý ortalyǵy, sondaı-aq Tarazdyń kóne eskertkishteri - Qarahan jáne Aısha bıbi murajaılary, «Áýlıe ata» kesheni, Qalı Júnis monshasy jáne taǵy basqalary boıynsha ekskýrsııalar uıymadastyrylady.
7 maýsymda Bishkek qalasyna shyǵý josparlanýda. Jambyl oblystyq ІІD-niń ókilderi olardy Qyrǵyzstan shekarasyna deıin birge erip júrip, estafetany Bishkek qalasyna tapsyrady.
Avtosaıys qorytyndylary boıynsha fotoreportajdar bar býkletter, beınefılmder, estelik vympelderin, qazaqstandyq polıtsııanyń 20 jyldyǵy beınelengen tósbelgilerdi shyǵarý josparlanýda.
