Jambyl oblysynda GPS-pen jedel járdemniń keshigý faktileri anyqtalýda
TARAZ. QazAqparat – Jambyl oblysynda búgingi tańda 138 jedel járdem kóligi GPS–navıgatsııasymen jabdyqtalǵan. Bul, avtokólikterdi baqylaýǵa jáne tıimdi paıdalanýǵa múmkindik beredi, dep habarlaıdy QazAqparat tilshisi.
Oblysy ákimdigi Densaýlyq saqtaý basqarmasynyń basshysy Marat Jumanqulovtyń aıtýynsha, búginde halyqtan túsetin shaqyrtýlar «Kómek» avtomattandyrylǵan júıesi arqyly qabyldanady jáne tirkeledi. Bul júıeni engizý úshin jergilikti bıýdjetten 122 mıllıon teńge bólingen. «Jedel járdem qyzmetiniń sapasyn jaqsartý maqsatynda monıtorıngtik top qurylyp, baqylaýly shaqyrtýlar uıymdastyryldy. Nátıjesinde 4 keshigý faktisi aıqyndalyp, jedel járdem stansasynyń qyzmetkerleri jaýapkershilikke tartyldy, tıisti memlekettik organdarǵa kemshilikterdi joıý boıynsha naqty tapsyrmalar berildi. Bul baǵyttaǵy jumystar turaqty júrgiziletin bolady», - deıdi M.Jumanqulov.
Sondaı-aq, basqarma basshysy medıtsınalyq uıymdarǵa 100 paıyz medıtsınalyq aqparattyq júıeci engizilgenin jetkizdi. Onyń aıtýynsha, «Halyqty tirkeý regıstrinde» tirkelgen adamdardyń 95,2 paıyzynyń elektrondyq densaýlyq pasporttary qamtylǵan.
