Jambyl oblysynda gaz ballony jarylyp eki adamdy kúıik shaldy
TARAZ. QazAqparat - Jambyl oblysynda gaz ballony jarylysynan eki adam zardap shekti, dep habarlaıdy QazAqparat oblystyq TJD-ǵa silteme jasap.
«23 qańtarda saǵat 16: 20-da Jambyl oblysy TJD daǵdarystyq jaǵdaılar basqarmasyna Jambyl aýdanyndaǵy Shaıqoryq aýylynda jeke úıdiń dálizinde turǵan 3 lıtrlik gaz ballonynyń jarylǵany týraly habar kelip tústi. Jarylystan dálizdiń qabyrǵasynda jaryqtar paıda bolyp, kireberis esik qıraǵan. Úı ıesiniń 33 jáne 13 jastaǵy balasyn kúıik shalyp, aýrýhanaǵa jetkizildi», delingen habarlamada.
Oqıǵa ornyna TJD-dan 11 qyzmetker, jedel járdem brıgadasy, 4 polıtsııa bardy.
Departament gaz ballonyn qaýipsizdik erejesine sáıkes saqtaý jáne paıdalanylý kerektigin eskertedi.
