Jambyl oblysynda gaz ballony jarylyp adamdardy kúıik shaldy
TARAZ. QazAqparat - Jambyl oblysynda aýyldaǵy úıde gaz ballony jarylyp, eki birdeı jumysshyny kúıik shaldy, dep habarlaıdy «QazAqparat» HAA tilshisi.
Oblystyq TJD baspasóz qyzmeti habarlaǵandaı, gaz ballonynyń jarylý oqıǵasy Qordaı aýylyndaǵy jer úılerdiń birinde bolǵan.
«Úıdiń dálizinde júrgizilip jatqan jóndeý jumystary kezinde bes lıtrlik gaz ballony jaryldy. Jumysshylardy kúıik shaldy. Órt oqıǵasy tirkelgen joq, biraq soqqy tolqyny úıdiń tereze jaqtaýlaryn búldirip, qabyrǵalar men tóbe jabynyn sógip jibergen»,-dep aıtylady vedomstvo habarlamasynda.
Aýyrlyǵy 1-2 deńgeıli 12-15 paıyzdyq dene kúıigin alǵan jumysshylar aýdandyq aýrýhanaǵa jatqyzyldy.
