Jambyl oblysynda esirtki jınap júrgen úsh adam ustaldy

ALMATY. QazAqparat - Jambyl oblysynda esirtki jınap júrgen jerinen Almaty oblysynyń úsh turǵyny ustaldy, – dep habarlaıdy QazAqparat Polisia.kz saıtyna silteme jasap.

Ondaǵy málimetterge qaraǵanda, 20 jeltoqsanda Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Shý – Merki tasjolynan 25 shaqyrym qashyqtyqtaǵy qumdy aımaqtan marıhýana esirtkisin jınap júrgen Almaty oblysynyń úsh turǵynyn ustaǵan.

Kúdiktilerdi tintý jáne olar mingen Volkswagen avtokóligin tekserý barysynda 5 polıetılen paket tabylyp, tárkilendi. Saraptama qorytyndysyna sáıkes, onda jalpy salmaǵy 3 keli 900 gramm keptirilgen marıhýana esirtki zaty bolǵan.

Ustalǵandar kinásin moıyndap, Shý qalasynyń ýaqytsha ustaý ızolıatoryna qamaqqa alyndy.

– Kúdiktilerge qatysty QR QK-niń 296-babynyń 4-bóligi boıynsha sotqa deıingi tergeý amaldary bastaldy. Bul bap boıynsha 3 jyldan 7 jylǵa deıingi merzimge bas bostandyǵynan aıyrý túrindegi jaza qarastyrylady. Jambyl oblysynda 2022 jyldyń 11 aıynda 594 esirtki quqyq buzýshylyq deregi anyqtaldy, onyń ishinde – 219 qylmys, 375 teris qylyq deregi. Sondaı-aq zańsyz aınalymnan 2 tonna 752 keli esirtki zaty tárkilendi»,-delingen habarlamada.

Foto: polisia.kz