Jambyl oblysynda erekshe oqytylýy tıis 7 898 bala bar

TARAZ. QazAqparat - Bıylǵy oqý jylynda erekshe bilim alýdy qajet etetin 7 898 bala anyqtalsa, onyń 81 paıyzy bilimmen jáne tárbıemen qamtylǵan, dep –habarlaıdy QazAqparat tilshisi.

Aımaqtaǵy bilim basqarmasy basshysynyń mindetin ýaqytsha atqarýshy Aıdyn Dosybaeva 7 898 jetkinshektiń 2 786-sy múmkindigi shekteýli ekenin atap ótti.

«Sonymen qatar ınklıýzıvti bilimmen qamtylýy tıis balalardyń 3 463-i mektep jasyna deıingi búldirshinder bolsa, 4 435-i mektep jasyna jetken. Olardyń 81 paıyzyna bilim men tárbıe berip otyrmyz», - dedi ol.

Spıker búginde óńirdegi jalpy bilim beretin 444 mekemeniń 392-sinde, 431 balabaqshanyń 251-inde ınklıýzıvti bilim men tárbıe berý úshin jaǵdaı jasalǵanyn jetkizdi. Sońǵy eki jylda 4 239 bala túzetý-ońaltý kómekterin alǵan.​

Eske sala keteıik, buǵan deıin oblystaǵy balalar úıiniń túlekterine páter kilti tabys etilgenin jazǵanbyz.