Jambyl oblysynda er adam nemeresimen birge Talas ózenine batyp ketti
Jambyl oblystyq Tótenshe jaǵdaılar departamenti qyzmetkerleriniń aıtýynsha, qaıǵyly jaǵdaı Jambyl aýdanyndaǵy Jasórken aýyly mańynda aǵysy kúshti Talas ózeninde bolǵan.
«23 shilde kúni saǵat 17:30-da kýágerler Jasórken aýyly mańynan ótetin Talas ózeninen er adamnyń denesin sýdan shyǵaryp alǵan. Keıin málim bolǵanyndaı, qart adam nemeresimen birge ruqsat etilmegen jerde sýǵa túsken. Saǵat 17:50-de qyzdy izdeý jumystary bastaldy. Ol shamamen saǵat 17:10-dar shamasynda sýǵa batyp ketken»,-dep habarlady Jambyl oblystyq Tótenshe jaǵdaılar departamenti baspasóz qyzmetiniń jetekshisi Sáýle Muńataeva.
Іzdeý jumystary 23 shilde kúni túnge deıin alǵasyp, izdeý jumystaryna 5 qutqarýshy men 1 tehnıka jumyldyryldy.
«24 shilde kúni tań ata izdeý jumystary qaıta jandanady»,-dep naqtylady baspasóz qyzmetindegiler.
Aýyl adamdarynyń aıtýynsha, sýǵa batyp mert bolǵan azamat 61 jasta, al nemeresi 7 jasta. Qyzdyń ata-anasy ózge elde jumys izdep ketken.