Jambyl oblysynda er adam kanalǵa batyp ketti
TARAZ. QazAqparat – Qaıǵyly oqıǵa Baızaq aýdanyndaǵy kanalda bolǵan, dep habarlaıdy QazAqparat tilshisi.
«Keshki ýaqytta jergilikti turǵyndar Baızaq aýylyna jaqyn mańda «Bazarbaı» kanalynan er adamnyń máıitin tapqan. Qaza tapqan 42 jastaǵy jergilikti turǵyn bolyp shyqty. Ol shomylýǵa arnalmaǵan jerde sýǵa túsken», - dep túsindirdi Jambyl oblystyq TJD baspasóz qyzmetinen.
Shomylý maýsymynyń basynan Jambyl oblysyndaǵy sý aıdyndarynda on oqıǵa tirkeldi. On adam, sonyń ishinde alty bala qaza tapty.
Ótken jyly osy kezeńde jeti adam, sonyń ishinde eki bala sýǵa aǵyp ketken edi, dep naqtylady Jambyl oblystyq TJD baspasóz qyzmetinen.
