Jambyl oblysynda Eńbek jastarynyń respýblıkalyq forýmy bastaldy
Forýmnyń negizgi maqsaty - jumysshy kásipterin ózektendirý, qoǵamnyń materıaldyq ıgilikterin qamtamasyz etetin Eńbek adamynyń bedelin arttyrý.
Forým jumysyna QR Tuńǵysh Prezıdenti Qory Atqarýshy dırektorynyń orynbasary Igor Rogov, Jambyl oblysynyń ákimi Asqar Myrzahmetov, QR Parlamenti Májilisiniń depýtattary Darhan Myńbaı men Gennadıı Shıpovskıh, QR QDM jastar jáne otbasy komıteti tóraǵasy m.a. Ashat Oralov, Ulttyq bilim jáne ınnovatsııa palatasynyń tóraǵasy Murat Ábenov qatysýda.
Forým barysynda QRKF Tóraǵasy Baqytjan Ábdiraıym qatysýshylar aldynda sóz sóıledi. Ol búginde Qazaqstandaǵy eńbek jastaryna jetkilikti nazar aýdarylmaıtyndyǵyn atap kórsetti.
«Kásipodaqtar federatsııasy eńbek jastaryna basa nazar aýdarýǵa nıetti. Búgin osy Forýmda jumysshy jastardyń ózekti máselelerin bilýdi, olardy kásipodaqtarmen birigip sheshý joldaryn qarastyrýdy josparlap otyrmyz.
Biz kásipodaqtar qyzmetine jastardy belsendi túrde qatystyrýymyz tıis. Ózderińiz biletindeı, QR Kásipodaqtar federatsııasy «Qazaqstannyń 100 jańa esimi» jobasy aıasynda kásipodaq salasy qyzmetkerlerine arnalǵan «Eńbek adamy: Qazaqstannyń jańa kelbeti» baıqaýyn jarııalady. Eńbek jastarynyń ókilderi bizdiń úmitkerler bolatyndyǵyna senimdimin», - dep atap ótti Baqytjan Ábdiraıym.
QR Tuńǵysh Prezıdenti Qorynyń Atqarýshy dırektorynyń orynbasary Igor Rogovtyń pikirinshe, básekege qabiletti kadrlar - talantty jastar óte mańyzdy. «Tuńǵysh Prezıdent Qory turaqty túrde jas jýrnalısterge, jazýshylarǵa, aqyndarǵa, fotograftarǵa, ІT-mamandarǵa arnalǵan baıqaýlar ótkizedi. Jyl saıyn ondaǵan talantty mádenıet jáne ǵylym ókilderi Qor laýreattary bolady»,-dedi ol.
Jambyl oblysynyń ákimi Asqar Myrzahmetov oblystyń bılik ókilderi jastardy eńbek salasyna qatystyrý úshin qandaı qadamdarǵa baratyndyǵy týraly keńinen toqtaldy.
QRKF Tóraǵasynyń orynbasary Erlan Saıyrov atap ótkendeı: «QRKF qatysýymen ashylǵan «Kásipodaq kóshbasshylyǵy mektebi» Qazaqstandaǵy kásipodaqtar qyzmetiniń tıimdiligin arttyrýǵa baǵyttalǵan tuńǵysh keshendi bilim berý jobasy bolyp tabylady. Qazaqstannyń túrli óńirlerinde osy Mekteptiń alǵashqy shyǵarylymy ótti. Bastaýysh jáne salalyq kásipodaq uıymdarynyń 67 kóshbasshysy oqytyldy».
«Biz Federatsııanyń «Qazaqstannyń 100 jańa esimi» jobasy aıasynda óz aktsııasyn jarııalaǵanyn qýanyshpen qabyldadyq. Eńbek adamdary bizdiń áleýmettik qundylyqtar júıesinde laıyqty orynǵa ıe bolýy tıis» - dep atap ótti Murat Ábenov.
Jas kásipodaq kóshbasshylary úshin ǵylymı-qoldanbaly sektor ókilderiniń, atap aıtqanda «Jastar úni» AQU Tóraǵasy, QR Prezıdenti janyndaǵy Jastar saıasaty jónindegi keńes múshesi, MQІAD janyndaǵy AMT Tóraǵasy Dáýren Babamuratov, «Bolashaq» qozǵalysy tóraǵasynyń orynbasary Talǵat Janysbaı, PhD doktor, QAZMZÝ dotsenti, MVA SEO «Academy of labour relations» Bıbigúl Nurasheva jáne t.b. sheberlik saǵattary men alǵysózderi qyzyqty jáne tanymdy boldy.
Dáýren Babamuratovtyń pikiri boıynsha «100 jańa esim» jobasynda eńbek adamdary mindetti túrde bolýy tıis, sebebi, olar «ómirlik qıyndyqtar, qorqynysh pen qaýipterge kúndelikti tótep beretin, el damýy jolynda eren eńbek ıeleri bolyp tabylady».
Motıvatsııalyq jáne strategııalyq sessııalar aıasynda tájirıbelik trenıngter, sheberlik saǵattary, tımbıldgter jáne basqa da sharalar ótkizildi.
Forým eńbek jastaryn áleýmettendirýdiń mańyzdy quraly bolyp tabylady jáne tehnıkalyq eńbektiń aldaǵy onjyldyqta áleýmettik-eńbek salasynyń negizgi trendi retindegi beınesin nasıhattaıdy.
