Jambyl oblysynda elimizge zańsyz kelgen 100-den astam sheteldik ustaldy
TARAZ. QazAqparat - Jambyl oblysynda «Mıgrant» jedel-saýyqtyrý sharasyn ótkizý barysynda 110 sheteldik ustaldy, dep habarlaıdy QazAqparat.
«Mıgrant» sharasynyń birinshi kúninde Ýkraına, Ózbekstan, Tájikstan jáne Qyrǵyzstannyń 110 azamaty ustalyp, ákimshilik jaýapqa tartyldy. Birinshi kúnniń ózinde Qazaqstan Respýblıkasynyń aımaǵynan 42 sheteldik alastatyldy. Sonymen qatar elden ketý jónindegi sot sheshimin oryndamaǵan sheteldikke qatysty qlymystyq is qozǵaldy»,-dedi Jambyl oblystyq ІІD syrtqy mıgratsııa jónindegi bólim basshysy Qanat Shaýharov.
Óńir aýmaǵynda jedel toptardyń jumysy uıymdastyrylyp, oǵan ІІD-niń kóshi-qon qyzmeti, jergilikti polıtsııa, krımınaldy polıtsııa basqarmasy, ákimshilik polıtsııa qyzmetiniń ókilderi tartyldy. Olar zańsyz mıgranttar júrýi múmkin aımaqtar men jolaýshylar jáne júk kólikterin tekseredi. Tekserý aımaqtaryna sonymen qatar, saıajaılar, sheteldikterdiń jumys qúshi paıdalanylýy múmkin jańa salynyp jatqan qurylystar, qoǵamdyq tamaqtandyrý oryndary da jatady.
Operatsııa barysynda anyqtalǵan zańsyz kóship-qonýshylardy tekserý jumystary uıymdastyryldy.
