Jambyl oblysynda eki jylda 8 eskertkish zańsyz ornatylǵan
Bul týraly Tarazdaǵy Sherhan Murtaza atyndaǵy rýhanııat jáne tarıhtaný ortalyǵynda óńirdiń tarıhı nysandary men jádigerlerine qatysty ózekti máseleler talqylanǵan jıynda aıtyldy.
Máselen, Sarysý aýdanynda 2020 jyly «Chernobyl qurbandaryna», «Aýǵan soǵysy jaýyngerlerine», «Saıası-qýǵyn súrgin qurbandaryna», «Qarataý qyrany», «Tyl ardagerleri», «Uly Otan soǵysy jaýyngerlerine», «Semeı ıadrolyq synaqtarynda áskerı mindet ótegenderge» eskertkishteri men stellalary, «Aıtbaı Nazarbekuly» bıýsti zańsyz ornatylǵan. Biraq, soǵan qaramastan, bıyl T.Rysqulov aýdany Kókdónen aýylynda da Ońǵar Aıtqululyna zańsyz bıýst boı kótergen.
«Osyǵan oraı, Taraz qalasy men aýdan ákimdikterine jańadan eskertkish ornatý kezinde aýdan ákimdikteri tarapynan Qazaqstan Respýblıkasy Mádenıet jáne sport mınıstriniń «Monýmentti ónerdiń jańa qurylystaryn ornatý qaǵıdalaryn bekitý týraly» №103 buıryǵymen bekitilgen talaptar oryndaýdy, aýdan ákimdikteri bólgen jer ýchaskesin jáne qarjylandyrý máselesi sheshilgen jaǵdaıda, eskertkishtiń ıdeıalyq usynysty jetekshilik etetin aýdan ákimi orynbasarynyń qolymen usynýdy tapsyramyz», – dedi basqosýda Jambyl oblystyq mádenıet, arhıvter jáne qujattama basqarmasynyń basshysy Erlan Júnisbaı.
Jalpy, basqarma basshysynyń aıtýynsha, monýmentaldyq óner qurylystaryn ornatý erejeleri boıynsha belgili bir eskertkishti ornatý úshin respýblıkalyq komıssııa tarapynan ol eki kezeńde dáıekti túrde qaralýy kerek.
Birinshi kezeń – eskertkishtiń ornatý ıdeıasyn kelisý.
Ekinshi kezeń – eskertkishtiń jumys jobasyn kelisý. Bul kezeńde tańdaý úshin jumsaq materıaldan jasalǵan keminde 2 joba usynylady.
Tek eki maquldaýdan ótkennen keıin ǵana aýdan ákimdikteri aldyn ala bólingen jer ýchaskesine jobasy maquldanǵan eskertkishti ornatýlary tıis.
Buǵan deıin Jambyl oblysynan 3 myń jyldyq tarıhy bar qazan tabylǵanyn jazǵan bolatynbyz.