Jambyl oblysynda eki jyl buryn janarmaı beketin tonaǵan turǵyn ustaldy
TARAZ. QazAqparat - Jambyl oblysynyń tártip saqshylary 2017 jyly jasalǵan qaraqshylyq shabýyldy jasaǵan azamatty qolǵa túsirdi, dep habarlaıdy QazAqparat.
Jambyl oblystyq Polıtsııa departamentiniń habarlaýynsha, 2017 jyldyń qarashasynda Baızaq aýdanynyń janarmaı quıý beketiniń operatoryna qarýly qaraqshylyq shabýyl jasalǵan. Shabýyldy uıymdastyrǵandar 110 myń teńgeni alyp, kózden tasa bolǵan.
«Osy ýaqyt aralyǵynda jedel-izdestirý sharalary júrgizildi»,-dep habarlady Jambyl oblystyq Polıtsııa departamentiniń baspasóz hatshysy Gúlsara Muhtarqulova.
Onyń aıtýynsha, osy oqıǵa boıynsha kóptegen aıǵaqtar men materıaldar jınalyp, qylmystyq áreketti Baızaq aýdany Sarykemer aýylynyń turǵyny jasaýy múmkin degen kúdik týdy.
«Ol óz kinásin tolyq moıyndap, Taraz qalasynyń ýaqytsha ustaý ızolıatoryna qamaldy. Shabýylǵa qatysqan ózge adamdarǵa qatysty tekserý amaldary júrip jatyr. Ókinishke qaraı bul óńirde janarmaı beketine jasalǵan shabýyldardyń alǵashqysy emes»,-dedi baspasóz hatshysy.
Onyń aıtýynsha, atalǵan fakti boıynsha, QR QK-niń 192 baby, 2 bóligi boıynsha sotqa deıingi tergeý sharalary bastaldy.
