Jambyl oblysynda eki júkti áıelden koronavırýs tabyldy
TARAZ. QazAqparat – Jambyl oblysynda bir táýlikte koronavırýs ınfektsııasynyń 13 jaǵdaıy tirkeldi, dep habarlaıdy QazAqparat oblys ákiminiń baspasóz qyzmetine silteme jasap.
Aýrý Shý aýdanyndaǵy bir kásiporynnyń alty jumyskerinen tabyldy. Buǵan deıin ondaǵy bir qyzmetker aýyrǵan bolatyn. Naýqastar – 25 pen 60 jas aralyǵyndaǵy Qaraǵandy jáne Almaty oblystarynyń turǵyndary.
Sondaı-aq, Taraz qalasynda JRVI belgilerimen medıtsınalyq mekemelerge júgingen eki júkti áıel men eki turǵynnyń da koronavırýsqa taldaýy oń nátıje kórsetti.
Budan bólek, Jambyl, Rysqulov jáne Baızaq aýdandarynyń 1987, 1985 jáne 1999 jyly týǵan turǵyndarynan da atalǵan dert rastalǵan.
Barlyq naýqastar juqpaly aýrýlar aýrýhanasyna jetkizildi, olarmen baılanysta bolǵan tulǵalar karantınge oqshaýlandy. Aýrý oshaǵynda dezınfektsııalyq óńdeý sharalary júrgizildi.
Jalpy Jambyl oblysynyń aýmaǵynda 393 koronavırýs ınfektsııasy tirkelgen, onyń ishinde Taraz qalasynda – 222, Baızaq aýdanynda - 36, Jambyl aýdanynda - 12, Jýaly aýdanynda – 1, Qordaı aýdanynda - 48, Rysqulov aýdanynda – 8, Merki aýdanynda - 7, Moıynqum aýdanynda - 1, Talas aýdanynda – 13, Shý aýdanynda - 13.
Sondaı-aq, «Delı - Taraz» reısinen alty oqıǵa, Teńiz vahtalyq kentinen kelgen jumysshalar arasynda 26 oqıǵa anyqtaldy.
Barlyq dert juqtyrǵandardyń 196-sy saýyǵyp, dárigerlerdiń baqylaýyndaǵy úı karantınine shyǵaryldy.
Qajy MURAT
