Jambyl oblysynda eki jasyryn oıyn zaly anyqtaldy
Aıta keteıik, aýdanda qoıma meńgerýshisi 8 mıllıon teńgeni jymqyryp, ol úshin 4 jylǵa bas bostandyǵynan aıyrylǵan bolatyn. Zertteý barysynda anyqtalǵandaı, ol 5-6 kúnniń ishinde býkmekerlik keńsede utylyp, sońǵy aqshasynan aıyrylǵan. Osyǵan uqsas jaǵdaı mal sharýashylyǵy qyzmetkeriniń de basynan ótken. Ol býkmekerlik keńsede bóten adamnyń 5 mıllıon teńgesin jumsaǵan.
«Prokýror aldyn ala memlekettik kirister basqarmasynda aýdanda tirkelgen býkmeker keńsesiniń tek bireý ǵana ekenin anyqtap, ýákiletti organdarmen birlesip jedel izdestirý sharalaryn júrgizdi. Nátıjesinde dúkende jáne qonaq úıde zańsyz oıyn bıznesin uıymdastyrýdyń eki faktisi anyqtaldy. Onda 15 kompıýter men 13 protsessor tárkilendi. Kúdiktiler QK 307-babynyń 1-bóligimen zańsyz oıyn bıznesin uıymdastyrǵany úshin aıyptaldy. Іs sotqa joldandy» delingen oblys prokýratýrasynyń habarlamasynda.
Aıta ketý kerek, jyl basynan beri oblys boıynsha zańsyz oıyn bıznesin uıymdastyrýdyń 11 faktisi tirkelgen. Onyń ishinde 10 is sotqa joldanyp, 2 azamat túrli jazaǵa tartylǵan.