Jambyl oblysynda eki temirjolshy elektrovoz astyna túsip qaldy
TARAZ. QazAqparat - Jambyl oblysynda temir jol boıynda qaıǵyly oqıǵa oryn aldy, dep habarlaıdy «QazAqparat» HAA tilshisi óńirlik TJD baspasóz qyzmetine silteme jasap.
«5 sáýir kúni túngi saǵat birde Rysqulov aýdanyndaǵy Tátti-Aspara baǵytyndaǵy temirjoldyń 337 shaqyrymynda «QTJ» UK» kompanıııasynyń eki jumysshysy №0131 elektrovozdyń astyna tústi», - dep habarlaıdy vedomstvonyń baspasóz qyzmeti.
24 jastaǵy mashınıst B.Elýhan oqıǵa ornynda qaza tapty. Ekinshi jumysshy, 20 jastaǵy jigit Merke aýdanyndaǵy Ortalyq aýrýhanaǵa jetkizildi. Qazir tekserý jumystary júrgizilip jatyr.
