Jambyl oblysynda eki qarııa gazdan ýlanyp kóz jumdy
TARAZ. QazAqparat - Shý aýdanynda eki qart adam gazdan ýlanyp qaza tapty, dep habarlaıdy QazAqparat tilshisi Jambyl oblystyq tótenshe jaǵdaılar departamentiniń baspasóz qyzmetine silteme jasap.
«29 qańtar kúni Shý aýdanynyń Qonaev aýylyndaǵy jeke úılerdiń birinde qatty otyn jaǵatyn peshtegi aqaý saldarynan eki azamat ıis gazynan ýlanyp, qaza tapty», - dep málimdedi baspasóz qyzmeti.
Marqumdardyń biri 89-da, ekinshisi 83 jasta bolǵan.
«Oqıǵa ornyna TJD jáne kezekshi jedel tergeý tobynyń qyzmetkerleri shuǵyl jetti. Sońǵy kezderi jeke sektor úılerindegi peshterdi, jylý qondyrǵylaryn durys paıdalanbaý saldarynan qaıǵyly jaǵdaılar jıi týyndap júr. Atap aıtqanda 27 qańtar kúni oblys ortalyǵyndaǵy jeke úılerdiń birinde 37 jastaǵy azamat ıis gazynan ýlanyp, qaza tapqan bolatyn», - deıdi departament ókilderi.
Avtor: Galına Skrıpnık
