Jambyl oblysynda eki bala sýǵa batyp ketti
TARAZ. QazAqparat – Jambyl oblysynda eki jasóspirim sýǵa batyp ketti, dep habarlaıdy QazAqparat tilshisi.
Jambyl oblysy T. Rysqulov aýdany Sábdenov aýylynda 11 jáne 8 jastaǵy eki jasóspirim arnaıy jabdyqtalmaǵan jerde shomylamyn dep, sýǵa batyp ketti.
Qutqarýshylar kelgenge deıin jergilikti turǵyndar sýdan balalardyń denelerin shyǵaryp alǵan.
«Qaıǵyly oqıǵa týraly habarlama qutqarý qyzmetine saǵat 19.00-de kelip tústi. Oqıǵa ornyna TJD-nyń 3 qyzmetkeri 1 tehnıkamen jáne aýdandyq polıtsııa bóliminiń 10 qyzmetkeri 5 tehnıkamen shyqty. Qazirgi ýaqytta ólimniń mán-jaıy anyqtalýda, sot-medıtsınalyq saraptama taǵaıyndaldy», - delingen oblystyq TJD baspasóz qyzmetiniń habarlamasynda.
Oblystyq TJ departamenti ata-analardan ózderiniń ata-analyq mindetterine jaýapkershilikpen qaraýdy jáne balalaryn sý aıdyndaryndaǵy qaýipsizdik jóninde qarapaıym erejelerdi úıretýdi suraıdy.
