Jambyl oblysynda eki bala kanalǵa batyp ketti
TARAZ. QazAqparat - Jambyl oblysynda «Levoberejnyı» kanalyna batyp ketken on jasar bala izdestirilip jatyr, dep habarlaıdy QazAqparat tilshisi Jambyl oblysynyń Tótenshe jaǵdaılar departamentine silteme jasap.
«Tańǵy saǵat 11-den bastap Shý aýdanynda «Levoberejnyı» kanalyna batyp ketken eki bala izdestirilip jatyr. 10 jáne 11 jastaǵy eki bala shomylýǵa arnalmaǵan jerde sýǵa túsip, aǵyp ketken dep boljap otyrmyz. Іzdestirý sharalaryna 116 adam jumyldyryldy. Olardyń qatarynda Shý aýdanynyń ІІB jáne jergilikti atqarýshy organdary, sondaı-aq, aýdannyń turǵyndary bar», - dep málim etti mekeme qyzmetkeri.
Vedomstvoda habarlaǵandaı, izdestirý sharalary 13 tamyzda saǵat 20:30-da aıaqtalǵanymen, esh nátıje bermegen. Búgin tańǵy saǵat 6:40-ta óńirdiń TJD-niń qyzmetkerleri sýdan 11 jasar balanyń denesin alyp shyqty. Ekinshi bala áli de izdestirilýde.
