Jambyl oblysynda eki azamattan jarty tonnaǵa jýyq esirtki tárkilendi
8 jeltoqsanda Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý barysynda Turar Rysqulov aýdanynyń Qyzylsharýa aýylynan 60 shaqyrym qashyqtyqtaǵy qumdy aýmaqta 47 jastaǵy júrgizýshiniń basqarýyndaǵy Vaz-2121 avtokóligin toqtatty. Avtokólikti tekserý kezinde júk salǵyshtan eki qapshyq gashısh esirtki zaty tabyldy.
Odan bólek, sol orynnan 2 shaqyrym qashyqtyq jerde tsellofannan eki kúrkeshe jasap, 36 qap marıhýana men 1 qap gashısh esirtki zattaryn jınap qoıǵany anyqtaldy. Sondaı-aq, esirtki quraldaryn ıleıtin eki elek tabyldy.
Tárkilengen esirtki zattarynyń jalpy salmaǵy 472 keliden asty, onyń ishinde 369 keli 588 gramm keptirilgen marıhýana jáne 102 keli 760 gramm gashısh bolyp shyqty.
«Qazirgi ýaqytta atalǵan derek boıynsha Qazaqstan Respýblıkasy Qylmystyq kodeksiniń 296-baby 4-bóligimen (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergep-tekserý amaldary bastaldy. Ustalǵan 47 jáne 30 jastaǵy kúdiktiler óz kinálerin tolyq moıyndap, ýaqytsha ustaý ızolıatoryna qamaýǵa alyndy», – dep habarlady Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy Álim Bajyqbaev
Foto: polisia.kz
