Jambyl oblysynda eki aptada tapsyrylǵan qarý-jaraqtyń quny 9 mln teńgege jýyqtaıdy
TARAZ. QazAqparat - Jambyl oblysynda arnaıy aktsııa aıasynda jalpy quny 8 mıllıon 779 myń 425 teńgeni quraıtyn 161 birlik qarý tapsyryldy, dep habarlaıdy QazAqparat tilshisi.
Jambyl oblysynda turǵyndardan zańsyz saqtalǵan atys qarýy men oq-dáriler jáne jarylǵysh zattar satyp alý aktsııasy jalǵasýda. Osy aktsııany ótkizý úshin respýblıkalyq bıýdjetten 11 mıllıon 168 myń teńge qarastyrylǵan.
Oblystyq polıtsııa departamentiniń mamandary aktsııa barysynda atys qarýyn, oq-dáriler men jarylǵysh zattaryn tapsyrǵan adamdar ákimshilik jáne qylmystyq jaýapkershilikten bosatylatynyn aıtady.
Departamenttiń baspasóz qyzmetiniń málimdeýinshe eki aptada quny 9 mıllıon teńgege jýyq bolatyn qarý-jaraq tapsyrylypty.
«Búgingi kúni zańsyz saqtalǵan qarý-jaraq zattaryn tapsyrýǵa nıetti tulǵalardan 101 ótinish túsip, barlyǵy 161 qarý tapsyryldy. Olardyń ishinde 18 kalıbrli vıntovka 5,6 mm jáne 143 tegis uńǵyly jáne 1 sholaq myltyq bar. Tapsyrylǵan qarýlardyń jalpy quny 8 mıllıon 779 myń 425 teńgeni qurap otyr. Al tapsyrǵan azamattarǵa búgingi tańda 3 mıllıon 141 myń 100 teńge tólendi. Bul baǵyttaǵy jumystar jalǵasýda»,- delingen vedomstvonyń habarlamasynda.
