Jambyl oblysynda eki adam sýǵa batyp ketti
TARAZ. QazAqparat - Jambyl oblysynyń eki aýdanynda sýǵa shomylý kezinde eki qaıǵyly oqıǵa boldy, dep habarlaıdy QazAqparat tilshisi Jambyl oblysy Tótenshe jaǵdaılar departamentiniń baspasóz qyzmetine silteme jasap.
«11 maýsym kúni tańǵy saǵat 5:40-ta Jambyl aýdanynyń Shoqaı aýylyndaǵy Shoqaı-Kaskad sý qoımasyna 20 jastaǵy jigit batyp ketti. Jambyl oblysynyń TJD jedel qutqarý jasaǵy izdestirý jumystaryn júrgizý úshin oqıǵa ornyna jedel attandy. Qutqarýshylar kúshimen jigittiń denesi saǵat 9:40-ta sýdan shyǵaryldy.
10 maýsym kúni saǵat 20:15-te Shý aýdanynyń Tóle bı aýylynda sol jaǵalaýdaǵy aryqqa belgisiz jaǵdaıda 60 jastaǵy er adam batyp ketti. Aýdannyń ІІO-nyń kómegimen máıit sýdan shyǵaryldy», - delingen habarlamada.
Kańtar aıynda Jýaly aýdanyndaǵy Bilikól sýyna balyq aýlap otyrǵan aýyldyq turǵyn sýǵa batyp ketken edi.
Jazǵy maýsym bastalǵaly Jambyl oblysynda jasandy sý qoımasynda shomylyp júrgen 37 jastaǵy azamat qaza tapqan. Shý aýdanyndaǵy Magıstraldyq sý arnasynda shomylǵan 8 jáne 11 jasar eki bala ólim qushty.
Jambyl oblysy TJD málimetterine súıensek, 2017 jyly 33 adam sýǵa ketken, olardyń 22-si - bala
