Jambyl oblysynda eki adam órtengen kóliktiń ishinde janyp ketti
TARAZ. QazAqparat - Almaty - Bishkek tas jolynyń Jambyl ýchaskesinde taǵy bir jol oqıǵasy boldy, dep habarlaıdy «QazAqparat» HAA tilshisi.
Qordaı asýynyń mańynda 26 aqpan kúni tańerteńgi 8-de jeńil kólik janyp ketti.
Bastapqy málimetterge súıensek, kóliktiń ishinde eki adam bolǵan. Ekeýi de oqıǵa ornynda kóz jumdy. Kóliktiń órtenýi basqa avtomobılmen soqtyǵysý saldarynan bolýy múmkin.
Bul týraly aqparat áleýmettik jelilerge tarap jatyr. Vıdeony joldaǵy adamdar túsirgen.
«Barlyǵyna tar joldar kináli, ol jerde kólik aǵyny joǵary, óte qaýipti!» dep jazady jeli qoldanýshylar.
Jambyl oblystyq ІІD qyzmetkerleri «QazAqparat» tilshisine jaýap berip, tas jolda eki adamnyń mert bolǵanyn rastady. Alaıda oqıǵanyń sebep-saldary áli aıtylǵan joq.
