Jambyl oblysynda egistikti sýarýda zańsyz faktiler anyqtaldy - mınıstrlik

ASTANA. QazAqparat – Ekologııa mınıstrligi Jambyl oblysynda egistik alqabyn sýmen qamtý boıynsha anyqtalǵan zańyz faktilerdi atady, dep habarlaıdy QazAqparat tilshisi.

«Jambyl oblysynda egistikti sýmen qamtamasyz etýde birqatar problema anyqtaldy. Máselen, búginde naqty paıdalanylatyn sýarmaly jerler týraly dál málimet joq. Ákimdiktiń málimeti boıynsha 181 myń ga sýarmaly jer bar, al bıyl jasalǵan sharttar boıynsha «Qazsýshar» tek 93,6 myń ga jerge sý beredi», - dedi Ekologııa jáne tabıǵı resýrstar mınıstrligi Sý resýrstary komıteti tóraǵasynyń orynbasary Seıilbek Nurymbetov OKQ-de ótken brıfıngide.

Spıkerdiń sózinshe, egistik úshin sýdy tıimdi paıdalaný boıynsha oblys ákimdigine eskertý jasaldy.

«Jaı jerlerdi qoldanystaǵy kanaldarǵa qosý arqyly sýarmaly jerlerge aýystyrý faktileri bar. Bul kanaldardyń sońǵy bóligin sýmen qamtamasyz etýge teris áserin tıgizip otyr. Jekelegen sharýa qojalyqtary alqaptarǵa egin egip, biraq «Qazsýshar» RMK-men sý berý týraly shart jasaspaǵan. Bul óńirdiń egistik alqabyn sýmen qamtý jaǵdaıyna kedergi keltiredi. Sonymen qatar, magıstraldyq kanaldarǵa sorǵylardy zańsyz qosý faktileri de anyqtaldy. Mysaly, Tasótkel boıynsha 200-den astam osyndaı sorǵy bar. Osy oraıda, sharýashylyqtarmen sýdy paıdalaný boıynsha sharttar jasasý jáne ony esepke alý jumystary júrgizilip jatyr», - deıdi maman.