Jambyl oblysynda dúkennen 1,7 mln teńge urlandy
TARAZ. QazAqparat – Jambyl oblysynyń Baızaq aýdanynda saýda úıine urylar túsip, seıftegi aqshany qoldy etti. Bul týraly oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat.
Atalǵan ispen shuǵyl aınalysqan Baızaq aýdandyq polıtsııasynyń qyzmetkerleri kóp uzamaı kúdiktilerdi qolǵa túsirgen.
«Kúdiktiler úlken saýda úıine zańsyz kirgen. Seıfti buzǵan olar ishindegi 1,7 mln teńgeni alyp ketken. Polıtseıler Baızaq aýdanynyń 26 jastaǵy eki turǵynyn ustady. Aıǵaq zat bar – saqshylar kúdiktilerdiń qolynan urlanǵan aqshanyń bárin aldy. Kinásin moıyndaǵan ekeý Taraz qalalyq tergeý ızolıatoryna qamaýǵa alyndy», - delingen vedomstvo habarlamasynda.
Qazirgi ýaqytta atalǵan derekke qatysty QR Qylmystyq kodeksiniń 188-baby 3-bóligi 1 jáne 3-tarmaqtarymen («Turǵyn, qyzmettik nemese óndiristik úı-jaıǵa, qoımaǵa ne kólik quralyna zańsyz kirýmen jasalǵan iri mólsherdegi urlyq») sotqa deıingi tergeý amaldary bastaldy.
