Jambyl oblysynda dinı ekstremızmniń aldyn alý máseleleri talqylandy

ASTANA. QazAqparat - QR Din isteri jáne azamattyq qoǵam mınıstrliginiń Din isteri komıteti janynan qurylǵan respýblıkalyq aqparattyq-nasıhattaý toby Jambyl oblysynda aqparattyq jumystar júrgizdi. Top quramynda mınıstrlik sarapshylary, Qazaqstan musylmandary dinı basqarmasy, teologtar men dintanýshylar boldy.

Jıyn barysynda dáriskerler dindegi rýhanı-adamgershilik máselelerin,  ekstremıstik toptar men destrýktıvti dinı birlestikterge qarsy túsindirý jumystaryn, dástúrli ıslamnyń qaǵıdalaryn nasıhattaý, din atyn jamylǵan aǵymdar men radıkaldy ıdeıalardyń aldyn alý máselelerin talqylady.

Sarapshylardan quralǵan aqparattyq-túsindirý tobynyń jıynyna Taraz qalasynyń jáne aýdandardyń turǵyndary, óńirdegi qoǵamdyq keńestiń músheleri, memlekettik organdar men quqyq qorǵaý organdarynyń, dinı uıymdardyń ókilderi, BAQ, eńbek ujymdary, oqytýshylar, muǵalimder, stýdentter, jáne de sportshylar qatysty.