Jambyl oblysynda departament basshysy alaıaqtyq boıynsha tergelip jatyr
NUR-SULTAN. QazAqparat – Jambyl oblysy boıynsha Sybaılas jemqorlyqqa qarsy qyzmet eńbek, áleýmettik qorǵaý jáne kóshi-qon komıtetiniń Jambyl oblysy boıynsha departamentiniń basshysyna qatysty qylmystyq isti tergep jatyr. Bul týraly AntikorNEWS alańynda QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.
«Ol qaramaǵyndaǵy qyzmetkerden ony departament bastyǵynyń orynbasary laýazymyna taǵaıyndaýǵa járdem kórsetý úshin alynǵan 2 mln teńge somasyndaǵy parany laýazymdy tulǵalarǵa berýge ıtermeleý jáne alaıaqtyq kúdigi boıynsha eńbek, áleýmettik qorǵaý jáne kóshi-qon komıtetiniń Jambyl oblysy boıynsha departamentiniń basshysy tergelýde. Qazirgi ýaqytta qylmystyq is sotqa berildi», - deıdi QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov.
Onyń aıtýynsha, kúdiktiniń kinásine qatysty túpkilikti sheshimdi sot shyǵarady.
