Jambyl oblysynda daýyl aǵashtardy qulatyp, shatyrlardy ushyrdy
TARAZ. QazAqparat - Jyldamdyǵy 35 metr sekýndqa jetken jel Taraz jáne oǵan jaqyn aýdandardy ábigerge saldy.
«Oblystaǵy TJD-nyń barlyq bólimsheleri daýyldyń zardaptaryn joıýǵa jumyldyryldy, - deıdi Jambyl oblysy TJD basshysynyń orynbasary Talǵat Sabyrov. - Dıspetcher telefonyna óte kóp qońyraý kelip túsýde. Barǵan jerlerde, jel shatyrlardy ushyryp, qulaǵan aǵashtar elektr jelilerin úzgen. Tipti órt shyqqan oqıǵalar da kezdesti».
T. Sabyrovtyń aıtýynsha, qatty jelden Taraz jáne oblys ortalyǵyna jaqyn - Baızaq jáne Jambyl aýdandary zardap shekti. Basqa aýdandarda jaǵdaı birshama qalypty, deıdi ol. Tabıǵattyń tosyn minezine qatysty tolyǵyraq aqparaty oblystyq TJD keıinirek usynatyn boldy.
