Jambyl oblysynda byltyr jemqorlyqqa jol bergen 90 adam jaýapqa tartyldy
Bul týraly óńirlik kommýnıkatsııalar qyzmeti alańynda Sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń basshysy Ádilhan Áshirbaev aıtty, - dep habarlaıdy QazAqparat.
Sondaı-aq, eseptik kezeńde óńirde atalǵan departament sybaılas jemqorlyq qylmystary úshin 90 tulǵany qylmystyq jaýapqa tartqan. Keltirilgen zalaldy óndirý baǵytynda oń nátıjelerge qol jetkizilipti. Atap aıtsaq, byltyr 12 aıda 1,2 mıllıard teńge kóleminde zalal anyqtalsa, onyń 930 mıllıon teńgesi óndirilgen.
Ol ǵana emes, departament basshysy oblystaǵy basshylyq laýazymda bolǵan 9 tulǵa zańnamamen kózdelgen shekteýler negizinde óz qyzmetinen bosaǵanyn jetkizdi.
«Ótken jyldyń 12 aıynda 11 sybaılas jemqorlyqqa qarsy monıtorıng júrgizilip, olardyń nátıjesi boıynsha anyqtalǵan sybaılas jemqorlyq táýekelderdi joıý boıynsha 26 usynys berilgen. Sondaı aq 2019 jyly Departament oblystaǵy mekemelerdiń eńbek jáne sybaılas jemqorlyqqa qarsy zańnamany saqtaýyna baılanysty monıtorıng júrgizgen»,-dedi Ádilhan Áshirbaev.