Jambyl oblysynda burshaq jaýýy múmkin - 26 sáýirdegi aýa raıy boljamy
ASTANA. 25 sáýir. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen aýa raıynyń turaqsyzdyǵy kútilýde - jańbyr jaýyp, keı jerlerde nóserletýi, jeldiń kúsheıýi, keıbir jerlerde naızaǵaı oınap, tuman túsýi, burshaq jaýýy múmkin.
Bul týraly TJM baspasóz qyzmeti Qazgıdrometke silteme jasap habarlady.
Mańǵystaý, kúndiz Batys Qazaqstan, Aqmola, Pavlodar oblystarynda jeldiń 15-20 m/s-ke deıin kúsheıýi kútiledi.
Almaty, Shyǵys Qazaqstan oblystarynda túnde keı jerlerde naızaǵaı oınaıdy.
Jambyl, Ońtústik Qazaqstan, Qyzylorda, Atyraý, Soltústik Qazaqstan, Qaraǵandy oblystarynda keı jerlerde naızaǵaı oınap, jeldiń kúshi 15-23 m/s-ke jetedi, Jambyl oblysynyń keı jerlerinde burshaq jaýýy múmkin.
Aqtóbe oblysynda jeldiń ekpini 15-20 m/s-ke deıin kúsheıedi, keı jerlerde naızaǵaı oınaıdy.
Qostanaı oblysynda keı jerlerde naızaǵaı oınap, jeldiń kúshi 15-20 m/s-ke jetedi, túnde jáne tańerteń tuman túsedi.
Taıaýdaǵy táýlikterde Shyǵys Qazaqstan oblysynyń kóptegen ózenderinde (Buqtarma, Ob, Úlbi, Aqózen, t.b.) sý deńgeıiniń kóterilýi kútiledi.
Pavlodar oblysy sheginde Ertis ózeninde Shúlbi sý qoımasynan sýdyń mol kelýinen ózen deńgeıi kóterilýi jalǵasady.
Respýblıkanyń ońtústigindegi jáne ońtústik-shyǵysyndaǵy taý ózenderinde sý deńgeıi qubylýy baıqalady. Syrdarııa ózeninde Shardara sý qoımasynan sý kelýi ulǵaıady.
Budan buryn habarlanǵandaı, Ońtústik Qazaqstanda sý tasqyny bolatyny eskertildi. Tolyǵyraq - myna jerde .
