Jambyl oblysynda búgin 1-3 gradýs úsik júredi - Qazgıdromet

ASTANA. QazAqparat – «Qazgıdromet» RMK-sy qazannyń 1-i kúngi kún raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, qazannyń 1-i kúni soltústik antıtsıklonnyń áserinen eldiń soltústiginde, ońtústiginde, ortalyǵynda kún jaýyn-shashynsyz bolady.

Atmosferalyq aǵyndardyń áserinen Qazaqstannyń batysynda jańbyr, soltústik-batysynda jáne ońtústik-shyǵysynda jaýyn - shashyn (jańbyr, qar), shyǵysynda qar jaýady.

Respýblıka boıynsha tuman túsip, jel kúsheıedi, ońtústiginde shańdy daýyl turady, shyǵysta joldarda kóktaıǵaq bolady.

Jambyl, Túrkistan, Qyzylorda oblystarynyń basym bóliginde tótenshe órt qaýpi saqtalady.

Jambyl oblysynyń soltústiginde jáne taýly aýdandarynda topyraq betinde 1-3 gradýs úsik júredi.

Astanada kóshpeli bult shyǵady. Shyǵystan jel soǵady, kúshi 2-7 m/s. Aýa temperatýrasy túnde -5-7°S, kúndiz +4+6°S bolady.

Almatyda kóshpeli bult shyǵady. Jeldiń jyldamdyǵy sekýndyna 2-7 m/s-ke jetedi. Aýa temperatýrasy túnde +2+4°S, kúndiz +10+12°S bolady.

Shymkentte kóshpeli bult shyǵady, kún jaýyn-shashynsyz. Shyǵystan jel soǵady, kúshi 8-13, kúndiz ekpini 15-20 m/s. Aýanyń temperatýrasy túnde +8+10°S, kúndiz +20+22°S bolady.