Jambyl oblysynda bos jatqan ǵımarattan qarý-jaraq pen oq-dáriler tabyldy

TARAZ. QazAqparat – Jambyl oblysynda bos jatqan ǵımarattan qarý-jaraq pen oq-dáriler tabyldy, dep habarlaıdy QazAqparat polisia.kz telegram kanalyna silteme jasap.

«Merki aýdanynda qaraýsyz qalǵan ǵımarattardyń birinen, burynǵy aýdandyq tutyný qoımasynan polıetılen paket tabylyp, onyń ishinen zaýyttyq nómirleri mehanıkalyq túrde óshirilgen IJ qos, tegis uńǵyly ańshylyq myltyq, ártúrli kalıbrli 12 patron jáne jaryq-shý granatasy shyqty. Atalǵan derekke qatysty sot-ballıstıkalyq saraptamasy taǵaıyndaldy. QR QK 287-babynyń 3-bóligimen sotqa deıingi tergeý amaldary júrgizilip jatyr», - delingen habarlamada.