Jambyl oblysynda boran: Jolda 68 adam qutqaryldy
10-11 aqpanda qatty boran men joldyń nashar kórinýine baılanysty Jambyl óńirinde respýblıkalyq jáne oblystyq mańyzy bar birneshe avtojol ýchaskesi jabylǵan bolatyn. Halyqqa sms-eskertýler men áleýmettik jeliler arqyly aýa raıynyń nasharlaýy týraly daýyldy eskertý jarııalandy.
«Alaıda, jol qyzmetkerleri men qutqarýshylardyń eskertýine qaramastan, adamdar áli de alys jolǵa shyǵyp, ózderine jáne basqa adamdardyń ómirine qaýip tóndirýde.
Máselen, 11 aqpanda saǵat 01.00-den 06.30-ǵa deıingi kezeńde Kúıik - Qarabastaý-Qarataý jáne Qarataý - Jańatas avtojoldarynyń eki ýchaskesinde TJD kúshimen qar qursaýynda qalǵan 12 jeńil avtokólikten 68 adam, onyń ishinde 9 bala qutqaryldy. Olar jaqyn mańdaǵy eldi mekenderge jetkizildi. Qutqarýshylardyń jedel is-qımylynyń arqasynda qutqarylǵandardyń eshqaısysyna medıtsınalyq kómek qajet bolmady», - delingen mınıstrlik habarlamasynda.
Qazaqstan qutqarýshylary qolaısyz aýa raıy kezinde alys saparǵa shyqpaýǵa keńes beredi. Qaýipsizdik erejeleri týraly málimetti «DARMEN» mobıldik qosymshasynan bilýge bolady. Qandaı da bir oqys jaǵdaıda «101» jáne «112» nómirlerine habarlasýǵa bolady.
