Jambyl oblysynda bıznesti qaıta retteý jumystary túsindirildi
Kásipkerler platasynyń keńsesinde Salyq kodeksiniń jańa qosymshasyn túsindirý boıynsha óńirdegi bıznesmender men ekonomısterge arnalǵan eki kúndik semınar ótti.
«Ulttyq ekonomıka mınıstrligi men «Atameken» UKP tabandy pozıtsııasynyń arqasynda sońǵy eki jylda bıznes sýbektileriniń qyzmetin qatańdatý boıynsha memlekettik organdardyń 90 paıyzǵa deıingi usynystary toqtatyldy»,-dedi óńirdegi Kásipkerler palatasynyń sarapshysy Raımjan Ábdirahmanov. -Sonymen qatar Salyq kodeksiniń sheńberinde áleýmettik salyq mólsheri 11 paıyzdan 905 paıyzǵa deıin tómendetilip, jumys istep turǵan bastapqy QQS - 30 myń AEK saqtalyp qaldy».
Jambyl oblystyq Kásipkerler palatasynda bıznesti qaıta retteý boıynsha kóptegen jumystar atqarylǵany aıtyldy. Nátıjesinde tekserýler azaıyp, olardyń basym bóligi profılaktıkalyq baqylaýlarmen almastyrylady. Osyǵan sáıkes, memlekettik organdardyń baqylaý fýnktsııalary 30 paıyzǵa, talaptardyń kólemi 56 paıyzǵa azaıady.