Jambyl oblysynda bızneske zańsyz aralasqan memlekettik kirister departamenti qyzmetkeri jaýapqa tartyldy

TARAZ. QazAqparat - Jambylda memlekettik kirister departamentiniń qyzmetkerine bızneske zańsyz aralasqany úshin aıyppul salyndy, dep habarlaıdy QazAqparat.

Óńirdegi Sybaılas jemqorlyqqa qarsy qyzmetke memlekettik kirister organdary mamandarynyń kásipkerlikti júzege asyrýda ákimshilik kedergiler jasaý deregine qatysty aryz túsken.

«Aryzdanýshynyń ýájderin jan-jaqty zerdeleý barysynda aımaq boıynsha Memlekettik kirister departamentiniń bas mamany laýazymdy tulǵa bola tura, baqylaý fýnktsııalaryn júzege asyrý kezinde quqyq buzýshylyqqa jol bergeni anyqtaldy. Ol qujattyq salyqtyq tekserý kezinde óreskel zań buzýshylyqtarǵa jol bergenimen qoımaı, jańadan tekserý aktisin shyǵarý arqyly JShS-niń kásipkerlik qyzmetine qaıta zańsyz aralasqan», - deıdi quqyq qorǵaý organyndaǵylar.

Óz kezeginde Jambyl oblysy boıynsha Sybaılas jemqorlyqqa qarsy qyzmeti mamandary atalǵan fakti boıynsha ákimshilik hattama (ÁQBtK-niń 173-baby) toltyrdy.

Qazirgi ýaqytta ákimshilik aıyppul tolyǵymen tólendi.