Jambyl oblysynda bıyl balalarǵa qatysty 20-dan astam oqys oqıǵa tirkelgen
TARAZ. QazAqparat – Bıylǵy jyldyń bes aıynda Jambyl oblysynda balalarǵa qatysty 21 oqsy oqıǵa tirkelgen, dep habarlaıdy QazAqparat tilshisi.
Oryn alǵan oqıǵalar ishinde 2 ózine-ózi qol jumsaýǵa talpyný, 1 ózine-ózi qol jumsaý, 6 jaǵdaı úıden ketip qalý, 12 basqa da oqıǵalar (4 bala qaıtys bolǵan) bar. Bul týraly óńirlik kommýnıkatsııalar qyzmeti alańynda Jambyl oblysynyń Bilim salasynda sapany qamtamasyz etý departamenti basshysynyń orynbasary Jasulan Atenov habarlady.
Departament balalar quqyǵyn qorǵaý boıynsha jumys isteıdi. QR Bilim jáne ǵylym mınıstrliginiń uıymdastyrýymen «Baqytty bala — baqytty el» respýblıkalyq aktsııa ótkizilip jatyr.
Sondaı-aq, vedomstvo balanyń quqyqtaryn qorǵaý máseleleri boıynsha memlekettik organdarmen, úkimettik emes jáne basqa da uıymdarmen ózara is-qımyldy júzege asyrady.
Balalardyń bilim alýǵa, tamaqtanýdy, tasymaldaýdy, demalysty, saýyqtyrýdy jáne bos ýaqytyn uıymdastyrýǵa quqyqtarynyń qamtamasyz etilýine monıtorıng júrgizedi.
«Departamenttiń Facebook, Instagram, Telegram áleýmettik jelisinde paraqshalary bar. Senim telefony turaqty jumys isteıdi (451122). Áleýmettik jelige, onyń ishinde «BALA QORGAY» Telegram chatyna kúndelikti zerdeleý júrgiziledi jáne barlyq habarlamaǵa, saýaldarǵa jedel áreket etedi, keńes beriledi», - dedi J.Atenov.
