Jambyl oblysynda bıyl 9 mektep paıdalanýǵa beriledi
TARAZ. QazAqparat - Jambyl oblysynda jańa oqý jylynda 9 mektep paıdalanýǵa beriledi, dep habarlaıdy QazAqparat ZhambylNews-ke silteme jasap.
Bıyl óńirde 447 mektep jumys istep tur. Mektepterge 215 myńnan asa oqýshy keledi dep josparlanyp otyr. Onyń ishinde 1-synypqa 26 255 oqýshy qabyldanady.
Aǵymdaǵy jyly 4,9 mlrd teńgege 14 bilim nysanynyń qurylysy júrgizilýde. Jańa oqý jylynda 9 mektep paıdalanýǵa berilmek. Qalǵan 5 mektep 2019 jyly paıdalanýǵa beriledi. Sonymen qatar, 221 bilim nysanyn aǵymdaǵy jóndeýden ótkizýge 232,4 mln teńge bólindi.
Aldaǵy oqý jylynda 2567 oqýshy 88 avtobýspen tasymaldanady. 875 oqýshy mektep janyndaǵy ınternattarǵa ornalasady.
