Jambyl oblysynda bıyl 172 gektar alqapqa ósimtal alma egiledi
ASTANA. QazAqparat - Jambyl oblysynda «údemeli baqtardy» ósirý qolǵa alynýda. Ótken jyly 143 gektar alqapta alǵash ret osyndaı alma baqtary otyrǵyzyldy, dep jazady jergilikti basylym.
«Mundaı alma plantatsııalarynyń negizgi artyqshylyqtary - alǵashqy ónim berý merziminiń qysqa bolýynda. ıAǵnı eki-úsh jyldan soń alǵashqy jemiske qol jetkizýge bolady. Tez jemis beretin, ósimtal alma aǵashtaryn otyrǵyzý arqyly mol ónim jınalady», dep jazady «Aq jol» gazeti.
Óńirde barlyǵy 3 634 gektarda jemis-jıdek daqyldary egilse, onyń 2 672 gektarynan ónim alynýda. «Údemeli», ıaǵnı ósimtal baqtardy Jambyl aýdanyndaǵy «Sady vostoka» JShS, «Shoqaı-Jemis» jáne «Agro KZ» sharýa qojalyqtary, «Altyn alma» aýyldyq tutyný kooperatıvi, Merki aýdanyndaǵy «Aqaral» óndiristik kooperatıvi jáne «Sovet» sharýa qojalyǵy, Baızaq aýdanyndaǵy «Nıet» sharýa qojalyǵy ósirip, kútip-baptap otyr.
Sharýalar baq ósirýde aldyńǵy qatarly elderdiń, sonyń ishinde Túrkııa, Polsha jáne Qytaı tájirıbelerin paıdalanady. Bul baqtarda, negizinen, tamshylatyp sýarý tehnologııasy qoldanylady. Barlyq qajetti baý-baqsha tehnıkasy bolǵan jaǵdaıda, sharýashylyq qyzmetkerleriniń eńbegi aıtarlyqtaı jeńildetiledi, agrotehnıkalyq sharalardy júrgizýi yńǵaıly.
Sonymen qatar, memleket tarapynan kórsetiletin jeńildikterdiń kómegi de az emes. Ósimtal alma baqtaryn otyrǵyzǵan kezde, ınvestıtsııalyq jobalardy sýbsıdııalaý baǵdarlamasy boıynsha, alǵashqy jyly árbir gektaryna ketken shyǵynnyń 40 paıyzyna deıin qaıtaryp berse, 12 paıyzdyq ústemeaqymen alynǵan qaryzdyń 7 paıyzyn «QazAgroQarjy» AQ tólep beredi.
Aǵymdaǵy jyly jańadan 172 gektarda «údemeli» alma baqtaryn ornatý josparda bar. Atap aıtsaq, Qordaı aýdanynda - 5 gektar, Merki aýdany - 55 gektar jáne Jambyl aýdany - 112 gektar.
Aımaqtardy damytýdyń 2016-2020 jyldarǵa arnalǵan baǵdarlamasyna sáıkes, 2020 jyly údemeli alma baqtarynyń kólemin 1 600 gektarǵa jetkizý josparlanǵan. Aldaǵy ýaqytta tek údemeli baqtar ǵana oblys jurtshylyǵynyń tutyný normalaryn 85,7 paıyzǵa qamtamasyz etetin bolady.
