Jambyl oblysynda bıyl 17 mln aǵash otyrǵyzylmaq
Memleket basshysynyń tapsyrmasyna sáıkes «Jambyl oblysynda 2021-2025 jyldary ormandardy molyqtyrý jáne molaıtý týraly» keshendi jospary boıynsha oblys aýmaǵynda 140,8 mln dana aǵash kósheti otyrǵyzylady dep kózdelgen.
Atalǵan jospar aıasynda 2021-2022 jyldary 35,1 mln.dana aǵash otyrǵyzyldy. Al, 2023-2025 jyldary 105,5 mln aǵash otyrǵyzylmaq. Onyń 16 mıllıon 655 myń kósheti bıyl egiledi. Kóshetterdiń arasynda sekseýil, qaraǵash jáne taǵy da basqalary bar.
Bul týraly oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Danııar Bashanov aıtyp berdi.
«Búgingi kúnge, 5670 ga jerdi daıyndaý jumystary tolyǵymen aıaqtalǵan. Qazirgi ýaqytta 16651,0 myń dana sekseýil jáne qaraǵash kóshetterin tuqymbaqtardan qazý jumystary júrgizilýde.Kóktemgi orman otyrǵyzý jumystaryna qajetti kóshet materıaldaryn, mekemelerdiń tuqymbaqtarynda ósirilgen kóshettermen tolyq qamtamasyz etiledi jáne barlyq kóshet materıaldardyń karantındik sertıfıkattary alynǵan»,-dedi Danııar Bashanov.