Jambyl oblysynda bitimgershilik protsedýrasynyń damýy salasyndaǵy yntymaqtastyq týraly memorandým jasaldy
TARAZ. QazAqparat - Oblys ákimi K. Kókirekbaev daýlardy sotqa deıin retteý engizý jáne ózara is-qımyl bitimgershilik protsedýrasynyń jan-jaqty damýy salasyndaǵy yntymaqtastyq týraly memorandýmǵa qol qoıýǵa qatysty, dep habarlaıdy ákimdiktiń baspasóz qyzmeti.
Sonymen qatar, memorandýmǵa qol qoıý rásimine oblystyq sottyń tóraǵasy R. Alshynbaev, Qoǵamdyq keńestiń tóraǵasy J. Káribaıuly, «Nur Otan» partııasynyń ókilderi, BAQ qyzmetkerleriniń assotsıatsııasynyń janyndaǵy «Bitimger» «Quqyq jáne medıatsııa ortalyǵynyń» dırektory L. Safonova, «Atameken» kásipkerler palatasynyń dırektory Q. Aralbaeva qatysty.
- Medıator kásibı jaǵynan kómek bere alatyn, qıyn jaǵdaıda azamattarǵa jol kórsetetin adam. Medıatorlar zańdy túrde januıalyq, muragerlik, eńbek daýlary boıynsha, tipti keıbir qylmystyq isterdi sheshýge de qatysa alady. Olardyń basty mindetteri jan-jaldy eki jaqta ózara tıimdi sheshý bolyp tabylady,- dep aıtty Kárim Kókirekbaev.
Bir aıta keterligi, medıatorlar daýlar men janjaldardy sheshý balama tásilderin qoldaný salasyndaǵy ózara qoldaý kórsetetin bolady. Sondaı-aq belsendi nasıhattaý jáne túsindirý jumystaryn júrgizýge baǵyttalǵan is-sharalardy júrgizýge bitimgershilik rásimder qoldanýda.
Zańgerlerdiń azamattar men uıymdarǵa quqyqtyq qatynastardyń sýbektileri jáne zań kómegin kórsetýine qosylýy úshin memorandým ashyq bolady.
- Meniń oıymsha, bul buzýshylyqtardyń sanyn azaıtady jáne halyqtyń daýlasýshylyq deńgeıin tómendetedi, - dedi aımaq basshysy.
Komıssııa músheleriniń sóz sóılegennen keıin daýlardy sotqa deıin retteý engizý jáne ózara is-qımyl bitimgershilik protsedýrasynyń jan-jaqty damýy salasyndaǵy yntymaqtastyq týraly memorandýmǵa qol qoıý rásimi ótti.
Aıta ketsek, oblys boıynsha 98 medıatorlar jumys isteıdi. Búgingi tańda medıatsııa kabınetteri aýdan ákimdikteri men «Nur Otan» partııasynyń ǵımarattarynda, sondaı-aq Taraz qalasyndaǵy Qazaqstan halqy Assambleıasynyń Dostyq úıinde ashylǵan.
