Jambyl oblysynda birneshe sý qoımasy salynbaq
NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev eldiń ońtústik óńirlerine jumys saparyn aıaqtady. Ol sapar sońynda Jambyl oblysyna bardy, dep habarlaıdy vedomstvonyń baspasóz qyzmeti.
«Ońtústik óńirge jumys sapary Jambyl oblysyna barýmen aıaqtaldy. Oblys əkimi Berdibek Saparbaevpen birge iske asyrylyp jatqan sý sharýashylyq jobalarymen tanystyq», - dep jazdy Maǵzum Myrzaǵalıev óziniń Facebook-tegi paraqshasynda.
Oblys sýarmaly jerlerdi 110 myńnan 200 myń gektarǵa deıin ulǵaıtýdy kózdep otyr.
«Bul úshin magıstraldyq arnalar men ırrıgatsııalyq drenaj júıesin jóndeý jumysy júrgizilýde. EQDB qarajatynyń arqasynda uzyndyǵy 1294,34 shaqyrym 264 arna qaıta salynyp jatyr», - deıdi mınıstr.
«Sondaı-aq, óńir basshysymen birneshe sý qoımasyn salý josparyn talqyladyq. Jobany oryndaý úshin birlesken jumys toby qurylyp, TEN əzirlenedi», - dedi M.Myrzaǵalıev.
Barlyq osy aıtylǵan jobalar oblysty sýmen turaqty qamtamasyz etýge yqpal etedi.
