Jambyl oblysynda bir jasar sábıdi zeınetkerdiń úıiniń janyna tastap ketken
TARAZ. QazAqparat - Merki aýdanyndaǵy kentte jeke úıdiń qaqpasynyń aldyna bir jasar balany tastap ketti, dep habarlady Jambyl oblysy ІІD baspasóz qyzmetine silteme jasap «QazAqparat» HAA tilshisi.
«15 aqpanda, saǵat 22.00-ler shamasynda Merki aýdany ІІB kezekshi bólimine 70 jastaǵy kent turǵynynan habarlama túsken, ol úıiniń aldyndaǵy kireberis qaqpaǵa belgisiz bireý bir jasar búldirshindi tastap ketkenin aıtqan, - dep habarlady oblystyń ІІD baspasóz qyzmetinen. Oqıǵa ornyna jetken qyzmetkerler kireberis qaqpa mańynda bir jasar sábıdiń otyrǵanyn kóredi. Ol suraqtarǵa durys jaýap berip, esimi Zere ekenin aıtqan.
Polıtsııa anyqtaǵandaı, balany ótinish berýshiniń áıeli kórgen, ol balanyń jylaǵanyn estip, aýlaǵa shyqqan. Ony kim tastaǵanyn baıqamaǵan. Búldirshindi qaldyrǵan orynda zattarmen paket jáne hat qaldyrǵan, onda «Onyń esimi Zere, jasy bir jas úsh aı. Bir aı qarap berseńizder, sosyn alyp ketemin» dep jazylǵan.
Qyzmetkerler dúkende ornatylǵan vıdeobaqylaý kamerasyn tekserdi, onda bala kóterip kele jatqan azııalyq 30-35 jastaǵy áıel túsip qalǵan.
Qyz balany Merki aýylyndaǵy Ortalyq aýdandyq aýrýhananyń balalar bólimshesine jetkizdi, qazir ol dárigerlerdiń baqylaýynda. Onyń densaýlyǵyna esh qaýip joq, - dep habarlady oblystyń ІІD baspasóz qyzmeti.
