Jambyl oblysynda bir jasar bala aryqqa batyp ketti
TARAZ. QazAqparat - Jambyl oblysynda ótken táýlikte sýǵa batyp ketken úsh jaǵdaı tirkeldi, dep habarlady óńirdiń TJD-ge silteme jasap «QazAqparat» HAA tilshisi.
«Jambyl oblysy, Aqbulym aýylynda «Bazarbaı» arnasynda sýǵa shomylyp jatqan 7 jastaǵy bala batyp ketken. Onyń múrdesin jergilikti turǵyndar alyp shyqqan. Moıynqum aýdany, Ulanbel aýylynda, Shý ózeninde jabdyqtalmaǵan orynda shomylyp jatqan 39 jastaǵy er adam sýǵa ketken. TJD qutqarýshylary (4 adam, bir tehnıka) ІІB (2 adam, 1 tehnıka) qyzmetkerleri múrdeni sýdan alyp shyqty. Qordaı aýdanynda, Qarasaý aýylynda, eresek adamdardyń qaraýynsyz qalǵan bir jasar bala aryqqa qulap, batyp ketken. Onyń denesin týystary alyp shyqty», - dep habarlady departamenttiń baspasóz qyzmeti.
Jambyl oblysy TJD aqparatyna sáıkes jyl basynan bastap oblysta sýda 29 oqys jaǵdaı tirkelgen. Onda 30 eresek, 20 bala qaıtys bolǵan.
