Jambyl oblysynda bir táýlikte 5725 adam vaktsına aldy
Jambyl oblysynda sońǵy táýlikte koronavırýstyń 219, pnevmonııanyń 37 jaǵdaıy tirkeldi. Al, oblys aýmaǵyndaǵy 10 zerthanada táýligine shamamen 2600-2800 PTR zertteý júrgizilýde. Bul týraly oblystyq densaýlyq saqtaý basqarmasynyń basshysy Áset Qalıev óńirlik kommýnıkatsııalar qyzmetinde ótken brıfıngte aıtyp berdi.
«Monıtorıngke sáıkes, búgingi deıin oblys aýmaǵynda jalpy COVID-19 vırýsyn juqtyrýdyń 15 457 jaǵdaıy tirkeldi, 100 myń turǵynǵa shaqqanda aýrýshańdylyq kórsetkishi 1357,5 qurady. Pnevmonııanyń – 6438 jaǵdaıy tirkelgen. Jalpy aýrýhanalardan – 11 713 azamat saýyǵyp shyqty»,-dedi Á. Qalıev.
Sondaı-aq, basqarma basshysy oblys boıynsha 43 egý pýnktteri bar ekenin jetkizdi, olardyń 15-i qalada, 28-i aýdandarda ornalasqan.
«Jambyl oblysynda sońǵy táýlikte 5725 adam ekpe aldy, onyń ishinde 1-aınalymda 3015 adamǵa, 2 aınalymda 2710 adamǵa ekpe jasaldy. 18 tamyzdaǵy jaǵdaı boıynsha 1 ret barlyǵy – 330484 adam vaktsına saldyrdy, bul jospardaǵy 582 myń adamnyń 56,8 paıyzyn quraıdy. Ekpe alǵan 330484 adamnyń, 252425 vaktsınanyń ekinshi komponentin aldy. Vaktsına alǵandar tarapynan densaýlyǵyna teris áser berip, shaǵym keltirgender tirkelgen joq»,-dedi spıker.