Jambyl oblysynda bir kúnde 600-den astam jol erejesi buzyldy
TARAZ. QazAqparat – Jambyl oblysynda «Qaýipsiz jol» profılaktıkalyq is-sharasynyń birinshi kúni 600-den astam jol qozǵaly erejeleri buzylǵandyǵy anyqtaldy, - dep habarlaıdy QazAqparat tilshisi.
Óńirde 21-27 qazany aralyǵynda «Qaýipsiz jol» jedel aldynalý is-sharasy ótýde. Shara júrgizýshilerdiń kólik tártibin arttyrý, jol-kólik oqıǵalarynyń sanyn azaıtý, sondaı-aq jol qozǵalysy erejelerin buzýshylyqtyń aldyn alý bolyp maqsatyna negizdelgen. Bul týraly oblystyq polıtsııa departamentiniń baspasóz qyzmeti habarlady.
«Іs-sharanyń birinshi kúniniń ózinde 642 jol erejelerin buzýshylyq anyqtaldy. Onyń ishinde 94-i jaıaý júrginshilerge, 58-i júrgizýshi kólikti basqarý kezinde uıaly telefondy paıdalanýyna, 76-sy jyldamdyqty arttyrýy jáne qaýipsizdik beldigine qatysty 80 derek tirkelip, júrgizýshiler jaýapqa tartylǵan. Sondaı-aq, manevr jasaý erejelerin buzǵany úshin 55 adam toqtatylsa, 9 júrgizýshi mass kúıinde kólik tizgindegeni belgili boldy»,-delingen vedomstvo habarlamasynda.
Aıta keteıik, bir kúnniń qorytyndysy boıynsha aıypturaqqa barlyǵy 22 kólik qoıyldy.
