Jambyl oblysynda bir aıda 77 esirtki qylmysy anyqtaldy

TARAZ. QazAqparat – Jambyl oblysynda bıylǵy jyldyń alǵashqy aıynyń ózinde zańsyz aınalymnan 84 keli esirtki zattary alyndy, dep habarlaıdy QazAqparat tilshisi.

Jambyl oblysynyń Polıtsııa departamenti esirtki qylmysyna qarsy is-qımyl basqarmasynyń qyzmetkerleri qańtar aıynda 77 qylmystyq quqyq buzýshylyq deregin anyqtady. Onyń 18-i esirtki satý, altaýy asa iri kólemde saqtaý, bireýi – esirtki zattarynyń kontrabandasy jáne 53-i qylmystyq teris qylyqtar deregi.

«Bir aıda zańsyz aınalymnan 84 keli túrli esirtki zattary, onyń ishinde 25 keli marıhýana, 59 keli astam gashısh, 570 gramnan astam geroın jáne 10 gramm sıntetıkalyq esirtki quraldary tárkilendi», - deıdi Jambyl oblysynyń PD baspasóz hatshysy Gúlsara Muhtarqulova.