Jambyl oblysynda bir aı buryn joǵalyp ketken 16 jasar qyz tabyldy
TARAZ. QazAqparat - Jambyl oblysynda 24 sáýir kúni joǵalyp ketken 9-synyp oqýshysy aman tabyldy, dep habarlaıdy QazAqparat tilshisi.
Jambyl oblysy Jambyl aýdany Aqbulym aýylynda turatyn 9-synyp oqýshysy Aqlıma Qabanbaı 24 sáýir kúni tańerteń erte, bári tegis uıyqtap jatqan ýaqytta úıden qashyp ketken. Qaıda ketkenin eshkim bilmegen. Onyń ata-anasynyń aıtýynsha, qyz bala týabitti nevrologııalyq dertpen aýyratyn bolǵan.
Osydan soń oqýshy qyzdyń joǵalyp ketkenin aıtyp, ata-anasy tártip saqshylaryna shaǵym túsirgen.
Krımınaldyq polıtsııa basqarmasynan málim etkendeı, Aqlıma Qabanbaı Taraz qalasynan qurbylarynyń úıinde jasyrynyp júrgen jerinen tabylǵan.
