Jambyl oblysynda bir adamnan 2 kg marıhýana tabyldy
TARAZ. QazAqparat - Jambyl oblysy Merki aýdanynda buryn sotty bolǵan azamattan keptirilgen marıhýana tabyldy, dep habarlaıdy QazAqparat.
Bul týraly oblystyq polıtsııa departamentiniń baspasóz qyzmeti málimdedi.
«2019 jyly 5 qańtaryda Jambyl oblystyq polıtsııa departamentiniń qyzmetkerleri Merki aýdany, Belaryq aýylynda osy aýdannyń 53 jastaǵy I. esimdi turǵynyn ustady. Ol 2009 jyly QR QK 259-babynyń 1-bóligi boıynsha sottalyp, jazasyn ótep kelgen. Ony tintý kezinde kók tústi polıpropılen qapshyǵyna salynǵan, jalpy salmaǵy 2kg 230 gr bolatyn keptirilgen marıhýana tabyldy», - delingen departamenttiń baspasóz qyzmetiniń málimdemesinde.
Qazirgi tańda ustalǵan azamat kinásin moıyndap, ýaqytsha ustaý ızolıatoryna qamaýǵa alynǵan. QR QK 296-babynyń 4-bóligi boıynsha qylmystyq is qozǵalyp, aldyn alý tergeý jumystary júrip jatyr.
